“Me Ilirin kuptohesha. Ato që kanë thënë gazetat mi ka thënë edhe vetë Iliri mua aty brenda. Ishin vetëm shakatë në mesin tonë. Mbase çiltërsia ime keqkuptohet jashtë sikur është diçka më tepër se ç’është në të vërtetë. Unë shoqërohem me meshkuj si shokë dhe me Ilirin kam fjetur në të njëjtin krevat, ashtu siç kam fjetur edhe me Elonën”, ka treguar ajo.
Gjatë përshëndetjes së banorëve të tjerë, pasi mësoi se ishte ajo e eliminuara e javës, u shkëmbye një puthje në buzë mes Oltës dhe Viganit. Ajo sqaroi se nuk ishte hera e parë që bënte diçka të tillë duke lënë të kuptohej se ishte miqësisht.
“Kam puthur Viganin dhe Edberin në buzë. E kam puthur edhe herë të tjera Viganin në buzë jo vetëm mbrëmë. Për mua ishte një arush”, ka sqaruar Olta.